Úthlutunarreglur

Úthlutununarreglur FHF, samþykktar á aðalfundi FHF 28. maí 2014

1.0 Skipting tekna vegna opinbers flutnings í útvarpi

15% af tekjum frá útvarpsstöðvum renna til reksturs félagsins og annarra verkefna FHF, sem stjórn FHF telur að nýtist hljómplötuframleiðendum á breiðum grundvelli.

Sé til staðar hjá útvarpsstöðvum viðurkennt skráningarkerfi sem mælir nákvæmlega alla spilun eftir framleiðeindum skal hlutur hvers framleiðanda reiknaður og greidddur út frá þeim upplýsingum.

Þessi regla hefur það í för með sér að tekjum frá útvarpsstöðvum skal skipt og skal greiða út, sundurgreint eftir tekjum frá hverri útvarpsstöð. Tekjur sem berast frá útvarpsstöðvum sem ekki skrá spilun á fullnægjandi hátt skal skipt samkvæmt reikniformúlu í grein 2.0 hér að neðan.

Fyrir erlenda spilun hjá RÚV er greidd ákveðin föst fjárhæð árlega samkvæmt ákvæði í samningi við RÚV. Hjá öðrum útvarpsstöðvum er byggt á þeim forsendum að hlutfall íslenskrar tónlistar í allri spilun tónlistar nemi að meðaltali 30%, en erlend tónlist nemi um 30% og bandarísk tónlist og önnur tónlist sem ekki nýtur verndar eða greitt er fyrir nemi 40%. Af því leiðir að 60% allrar tónlistar telst vernduð tónlist og greiða útvarpsstöðvar fyrir not hennar samkvæmt Rómarsáttmálanum frá 1961 og gildandi höfundalögum. Samkvæmt framangreindum forsendum rennur því helmingur af tekjum frá öðrum útvarpsstöðvum en RÚV til erlendra rétthafa.

Framangreindum tekjum vegna spilunar erlends verndaðs efnis hjá RÚV og öðrum útvarpsstöðvum verður dreift til til erlendra frameiðenda eða lögmætra umboðsmanna þeirra sem til þess gera kröfu samkvæmt þeim reglum sem FHF setur þar að lútandi.

Heimilt er að breyta framagreindum forsendum komi fram nýjar upplýsingar sem talið er að kalli á breytingar á þeim.

2.0 Skipting annarra tekna fyrir not sem ekki verða mæld á sama hátt og fram kemur í grein 1.0. (vegna opinbers flutnings í verslunum og víðar – STEF innheimta).

Ofangreindum tekjum verður skipt á sömu forsendum um hlutfall verndaðrar/innlendrar/erlendrar tónlistar sbr. grein 1.0 og á eftirfarandi hátt:

1. 15% til reksturs félagsins og annarra verkefna FHF, sem stjórnin telur að nýtist hljómplötuframleiðendum á breiðum grundvelli.

2. 27,5% tekna skiptist eftir sameinaðri úthlutunarformúlu spilunar þeirra útvarpsstöðva sem skila inn fullnægjandi skráningu.

3. 27,5% tekna skiptist samkvæmt úthlutunarformúlu spilunar hjá Rás 2.

4. 30% samkvæmt upplagseftirliti þess árs sem greitt er fyrir.

3.0. Skipting tekna frá IHM (Innheimtumiðstöð gjalda)

Ofangreindum tekjum verður skipt á eftirfarandi hátt:

1. 15% til reksturs félagsins og annarra verkefna FHF, sem stjórnin telur að nýtist hljómplötuframleiðendum á breiðum grundvelli.

2. 85% tekna skal skipta samkvæmt upplagseftirliti þess árs sem greitt er fyrir.

4.0. Óúthlutað fé.

Það fé sem ekki finnast rétthafar fyrir eða ekki er sótt er lagt inn á sérstakan reikning sem haldið er í 4 ár frá þeim áramótum eftir að féð var innborgað. Árlega skal auglýst opinberlega til að ná til framangreindra rétthafa. Að fjórum árum liðnum er stjórn FHF heimilt að ráðstafa óúthlutuðu fé til sameiginlegra verkefna.

5.0. Óráðstafað rekstrarfé.

Samþykki stjórn FHF að greiða út óráðstafað rekstrarfé skal það renna til innlendra rétthafa samkvæmt úthlutunarreglu 2.0.

6.0. Sönnun réttar.

Rétthöfum ber að sýna fram á rétt sinn til flutningsréttinda með því að fylla út eyðublað sem sent er SFH þar sem fram koma nafn/nöfn rétthafa sem rétt eiga til flutningsréttinda vegna viðkomandi útgáfu. Sé vafi á rétti viðkomandi aðila getur SFH krafist þess að sjá samninga aðila. Sá sem gefur rangar upplýsingar um réttindi er ábyrgur fyrir endurgreiðslu á því fé sem viðkomandi hefur verið greitt á grundvelli slíkrar upplýsingagjafar.

7.0. Fyrning kröfuréttar.

Réttur hljómplötuframleiðanda til að krefjast greiðslu frá FHF fyrnist á 4 árum frá næstu áramótum eftir að viðkomandi fé er greitt til SFH.

8.0. Tíðni úthlutana-auglýsing.

Stefnt skal að því að úthluta tekjum sem berast FHF eins fljótt eftir innborgun frá SFH og kostur er. Auglýsa skal í dagblaði sem dreift er á öllu landinu í maí mánuði ár hvert þar sem hljómplötuframleiðendum er bent á að gera kröfu til FHF vegna flutningsréttinda viðkomandi aðila.

9.0. Framkvæmd úthlutunar.

Stjórn FHF skal annast framkvæmt framangreindra reglna og gera tillögur um breytingar ef þurfa þykir og bera þær undir aðalfund til samþykktar.

10.0. Gildístími.

Reglur þessar taka gildi þegar þær hafa verið samþykktar á aðalfundi FHF og gilda þar til aðalfundur ákveður annað.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>